Яңалыклар

Су спорт төрләре буенча дөнья чемпионатын уздыруга 2212 волонтер – Татарстаннан, Россиянең 20 төбәгеннән һәм дөньяның 10 иленнән булган ирекле ярдәмчеләр үз өлешләрен керттеләр. Казанда узган ярышларда спортчылар тарафыннан егерме дөнья рекорды куелды, горурланыр өчен үз казанышлары байтак булган волонтерлар командасы да алардан бер дә калышмады.

Су спорт төрләре буенча 16 нчы ФИНА дөнья чемпионатында оештыру комитетына “көмеш” яшьтәге 60лап волонтер ярдәм итә. Аларның тормыш тәҗрибәсе, зирәклеге, үз-үзләренә ышанычлары гомуми эшкә бик зур өлеш кертә. “Көмеш” яшь волонтеры – өч оныкчыкның дәү әнисе булган Татьяна Васильевна Никитина үзен бу эшкә ни җәлеп иткәнлеге һәм башкалар турында сөйләп узды.

Һәр көнне ФИНА паркының төп сәхнәсендә күренекле спортчылар һәм атаклы кешеләр үз теләге белән ярдәм итүчеләрне игълан итәләр һәм аерым казанышлары өчен бүләклиләр. Һәр көн волонтерлар үз араларыннан “көн геройларын” сайлыйлар. Бу мактаулы исемне алу һәм Су спорт төрләре буенча 16 нчы ФИНА дөнья чемпионатының 2500 волонтерыннан иң яхшысы булу өчен нәрсә эшләргә кирәк соң?

Казанда су спорты буенча дөнья чемпионатын оештыру эшендә бик зур команда хезмәт куя, алар арасында 2500 ирекле ярдәмче дә бар — бу егетләр һәм кызлар Оештыру комитетына түләүсез булышлык күрсәтә. Су спорт төрләре буенча 16 нчы ФИНА дөнья чемпионатының уңыш казануына үз вакытларын, көчләрен һәм белемнәрен сарыф итеп, волонтерлар бер кочак махсус сервислардан файдалану хокукы ала — бу тәҗрибә инде Халыкара югарылыктагы эре спорт ярышларын уздыру стандартына ныгып кереп урнашты. Берсүзсез, Су спорт төрләре буенча дөнья чемпионаты искәрмә булмаячак — Оештыру комитеты волонтерлар өчен сервислар һәм махсус кызыксындыру программасы әзерләде.

Су полосы буенча ярышларның икенче көнендә Олимпия чемпионнары, Су спорт төрләре буенча 16 нчы ФИНА дөнья чемпионатының фаворитларыннан берсе булган Хорватия командасы көрәш башлады. 2015 елгы дөнья чемпионатындагы тәүге матчларында алар 12:7 исәбе белән Канаданы җиңделәр. Команданың алыштыргысыз әгъзасы, аның һәр уңышына куанучы һәм спортчылар белән бергә һәр оттырыш өчен көенүче — атташе-волонтер, аның хезмәте спорт турниры тамашачысына күренми генә.

Казанда Су спорт төрләре буенча 16 нчы ФИНА дөнья чемпионаты вакытында 176 кешедән торган шәһәр волонтерлары төркеме 11 станциядә эшләячәк.Әлеге станцияләр спорт комплекслары янында һәм мөһим туристик маршрутларында урнашкан. 22 июльдән 9 августка кадәр Казан халкы һәм Казан кунаклары спорт объектлары, су мундиале турындагы мәгълүматларны һәм чемпионатның мәдәни программасын шәһәр волонтерларыннан белә алачак.

Су спорт төрләре буенча 16 нчы ФИНА дөнья чемпионаты башланырга ике көн кала Казанга 927 спортчы һәм берничә йөз кунак килде. ДЧ-2015тә катнашучыларның 95%ы һава транспортында киләчәк. Иң беренчеләрдән булып Казанда аларны аэропорт волонтерлары каршы ала. Волонтерлар алдында җаваплы бурыч тора – кунакларда шәһәр турында матур хисләр уяту һәм кирәкле ярдәм күрсәтү.

Су спорт төрләре буенча чемпионат вакытында ярышларда катнашучыларның төп өлеше яшәячәк Спортчылар авылында үзенчәлекле команда – Kazan Volunteers җыелма командасы өчен дә бер йорт пәйда булачак. Әлеге команда составына Россиянең 20 төбәгеннән һәм дөньяның 10 иленнән волонтерлар хәрәкәтенең иң әйбәт вәкилләре керде. Җыелма командага тиеш булганча, ДЧ-2015 алдыннан егетләрне һәм кызларны тантаналы каршы калу көтә иде. Монда барысы да чын командаларныкы кебек – флаглар, гимннар һәм “Казанда уңыш юлдаш булсын!” дигән теләкләр.