Казандагы 2015 елгы Су спорт төрләре буенча 16 нчы ФИНА дөнья чемпионатының рәсми сайты
Су спорт төрләре буенча 16 нчы ФИНА дөнья чемпионаты 24 июль - 9 август 2015
:
:
Fina - FEDERATION INTERNATIONALE DENATATION

Дмитрий Губерниев: “Спортта бер нәрсәне дә алдан белеп булмый!”

Large_news_dsc_0412
04.08.2015, 18:29 Интервью
Күренекле телевидение алып баручысы һәм спорт комментаторы Дмитрий Губерниев бүген Су спорт төрләре буенча 16 нчы ФИНА дөнья чемпионаты волонтерлары белән очрашты. Комментатор үзләре теләп ярдәм күрсәтүчеләрнең эше югары дәрәҗәдә оештырылуны билгеләп үтте һәм, Чемпионат волонтерлар елмаюыннан һәм эшеннән башка болай ук күркәм булмас иде, диде.

Губерниев белән селфи – волонтерлар белән очрашуга йомгак булды. Күренекле комментатор белән фотога төшәлми калганнар өчен телевидение алып баручысы белдергәнчә, ул якын көннәрдә, һичшиксез, тагын бер кат волонтерлар штабына киләчәк, аңа егетләр һәм кызлар белән аралашу бик ошаган.  

Су спорт төрләре буенча 16 нчы ФИНА дөнья чемпионаты Оештыру комитетының матбугат хезмәте журналистларына да спорт эксперты белән аралашу мөмкин булды.

- Сез турнирга комментарийлар биргәндә кем җиңәсен алдан белә аласызмы?

- Ставкалар беркайчан да ясамыйм, кем җиңәсен беркайчан да белмим, спортта алдан бернәрсә дә белеп булмый.

- Сез спортны бик әйбәт аңлыйсыз. Арбитр булырга теләгәнегез юкмы?

- Беркайчан да арбитр буласым килмәде. Һәркемнең үз һөнәре.

- Сез эфир алдыннан үзегезне хис-тойгылар ягыннан ничек әзерлисез?

- Минем бернинди дә яшерен чараларым юк. Иң мөһиме – яхшы ашарга һәм йокларга һәм, билгеле инде, яхшы эшләргә.

- Сез турыдан-туры трансляцияләр вакытында нинди кыенлыкларга тап буласыз?

- Кайвакыт сигнал өзелеп китә яисә элемтә юкка чыга – бу шундый техник хәлләр инде. Шуңа күрә бар нәрсәгә әзер булырга кирәк, кайчак, сурәтне  күрмичә генә, радио аша комментарийлар бирергә туры килә. Спорт комментаторы моңа әзер булып торырга тиеш. Бу көтелмәгән нәрсә булырга тиеш түгел. 

- Россия җыелма командасының гомуми зачетта алга чыгарга шанслары бармы?

- Мин фаразлар кылмыйм, чөнки яхшы илләр бик күп.

- Чемпионатта Сезнең өчен кем ачыш булды? 

- Бездә шундый күп яшьләр! Рылов, Красных, алар финалда йөзәчәкләр. Настя Песиковага мөнәсәбәтем бик әйбәт. Барысына да көч биреп торам!

Су спорт төрләре буенча 16 нчы ФИНА дөнья чемпионаты Оештыру комитеты матбугат хезмәте