Казандагы 2015 елгы Су спорт төрләре буенча 16 нчы ФИНА дөнья чемпионатының рәсми сайты
Су спорт төрләре буенча 16 нчы ФИНА дөнья чемпионаты 24 июль - 9 август 2015
:
:
Fina - FEDERATION INTERNATIONALE DENATATION

Суга сикерү буенча ФИНА Дөнья сериясенең 3 нче этабына ММЧларга аккредитация ачык

Large_news_u2013_diving_men_(5)
16.03.2015, 11:54 Спорт
24 апрельдән 26 сына кадәр Су спорт төрләре сараенда суга сикерү буенча ФИНА Дөнья сериясенең 3 нче этабы узачак. Ярышларда традиция буенча планетаның иң көчле спортчылары катнашачак . Спортчыларны 18 судья (10 – халыкара дәрәҗәдәге, шул исәптән 3 россияле, 8 милли) хөкем итәчәк. Өч көнлек ярыш программасы һәр этабында үз эченә хатын-кызлар һәм ир-атлар арасында өч метрлы трамплин һәм ун метрлы каланчадан синхрон һәм ялгыз сикерүләрне ала. Ярышларга беренче тапкыр ике яңа дисциплина өстәлде: синхрон катнаш сикерүләр (3 метрлы трамплин һәм 10 метрлы каланча) .

Суга сикерү буенча Дөнья сериясе ярышлары ел саен Халыкара йөзү федерациясе канаты астында уза. Бирегә осталык үрнәкләре күрсәтә алырдай йолдызлар гына чакырыла. Дөнья Сериясенә, чын турнир һәм күрсәтмә чыгышлар синтезы буларак, 2007 елда нигез салынган. Дөнья Сериясе булдырылуның чыганагында өч милли федерация: Бөекбритания, Кытай һәм Мексика тора.  Соңрак аларга Россия, Катар һәм Берләшкән Гарәп Әмирлекләре федерацияләре кушылган.

Ярышларны оештыруда 74 кешелек волонтерлар командасы ярдәм күрсәтәчәк. Ирекле ярдәмчеләр “Спорт программасы”, “Телерадиотапшырулар”, “Протокол”, “Тамашачылар өчен хезмәтләр”, “Медицина белән тәэмин ителеш”, “ Транспортлау”, һ.б. юнәлешләр буенча эшләячәкләр. 

Cу спорт төрләре буенча 16 нчы ФИНА дөнья чемпионаты оештыру комитеты матбугат хезмәте